نجهز البشاميل : في طنجرة منحط زبدة والطحين ومنقلب شوي بعدين منضيف الحليب بالتدريج مع التحريك المستمر ومنحط رشه من ملح وفلفل وجوزة الطيب ومعلقتين من جبن دهن ومنقلب ليتقل الخليط شوي

منسلق المعكرونه ومنصفيا ومنتركا على جنب

منجهز الصلصه : في طنجرة منحط الزيت النباتي والبصل المفروم والثوم المهروس مع رشه ملح ومنقلب شوي بعدا منضيف اللحم المفروم ومنحط رشه من ملح وفلفل ومنقلب لتستوي اللحمة منحط فليفله الالوان والبندورة المفرومه ومنحط هيل وبزر الكزبرة والبابريكا ومنحط الكاتشاب وشراب البندورة ومنحرك المكونات مع بعضها بعدين بحط نص كوب ماء مشان تكون صلصة مريئه شوي وبتركا تتسبك شوي وبطفي النار

منجيب المعكرونه ومنحطا فوق الصلصه وبقلبون مع بعضن منيح