ننظف ثم نقطع الدجاج الى قطع مع ازالة الجلد ثم ينقع ببابريكا وكزبره ناشفه وكمون ونتفة فلفل احمر حار وورق غار وكركم وقرفة حب وبهارات برياني ولبن, يجب خلط اللبن قبل وضعه, وعصير ليمون ونص راس ثوم وزنجبيل وكزبره خضره ونعناع طازجه او مجفف وملح.

بقطع بصله لشرايح بحط عليها نشا او طحين وبحرك وبقليها بالزيت بالطنجره, لتشقر وتقرمش. بشيلها على جنب.

بنفس الزيت, بقلي البصل ثم بضع بندوره ثم بهارات البرياني ثم مكعبات بطاطا وبحرك. ثم بضيف الدجاج يتقلى شوي لياخذ لون وبشيل البطاطا على جنب. بضيف باقي تتبيلة الدجاج.

بس يمر نص ساعة برجع البطاطا وبضيف ملعقة صغيرة صلصة طماطم.

بطنجره تانيه, بحط ماء على النار, بضيفلها بهارات صحيحه, ثم الرز المنقوع وملح يغلي فقط 3 دقائق, يعني نص استواء (رز مشخول). 

بس اتاكد انو الدجاج استوا والماء شبه نشفت, بضيف الرز فوقه وبوزع عليه كركم محلل بماء ورد وماء زهر وبغطيه لتنشف الماء ويكمل الرز استوا على اخف نار.

وبنزل جزء من البصل المقرمش مع شوية ماء وبسكر عليها بقصدير, ثم الغطاء. تنسلق الدجاج ساعة وكل شوي اشيك عليها اذا نشفت الماء.

بقلبها بصينيه وبزينها بباقي البصل المقرمش وبخلي من الكزبره للتزيين ولوز.

بهارات البرياني عباره عن يانسون وقرنفل مطحون وورق غار وهيل مطحون وشوية كاري وكزبره ناشفه قرفة وجوزة الطيب شويه بهارات مشكله.

صحتين.