دوالي وكوسا يلنجي
اكلة بتشهههي وبحب اعملها عشان بنتي..😊
الخطوات
- 1
اولا انقع الجاج ب ملح وفلفل اسود وبهارات مشكلة ومعلقتين زيت زيتون و3 سنون تومة ناعمة وبخليهم ع جنب.
- 2
هلا بحضر الحشوة طبعا الرز منقوع ومغسول ومصفى بفرم عليه راس بصل ناااعم والبندورة والبقدونس ونعنع ناشف والملح والفلفل الاسود والبهارات و3 ملاعق كبار زيت زيتون او اكتر وبنخلطهم.
- 3
وبنبلش لف الدوالي وحشي الكوسا.
- 4
بعد ما نخلص بجيب الجاج وبقليه بزيت زيتون بس يتحمر مووو يستوي.
- 5
وبعدها بجيب الطنجرة يلي بدي اطبخ فيها بعمل راس بصل شرحات دوائر مع شرحات بطاطا تكون خميلة شوي وسنون تومة بفتحها من النص ودوائر بندورة برش عليهم رشة ملح وفلفل وشوي من زيت الجاج وبصفهم بقاع الطنجرة.
- 6
وبعدها بصفط الجاج وفوقه الكوسا واخيييرا الدوالي.. برش عالوجه ملح وبعصر الليمونة وبرشها عليهم وزيت الجاج بحطو كلوو عالدوالي طبعا مع المي السخنة الي تغمرهم وبتركبها عنار عالية ليغلى وبوطيه لمدة ساعة ونص او اقل او اكتر.. وبقدمو جنب السلطة واللبن وألف صحة وعافيه ياااارب..😊😙
وصفات مشابهة
-
يالنجي كوسا وباذنجان يالنجي كوسا وباذنجان
يالنجي كوسافتوش باذنجان وحراق ب اصبعو بس رح اكتب طريقة ليالنجي#سوريتي❤
RamOshe Ahmad -
-
-
-
-
يالنجي السلق والملفوف وورق العنب والباذنجان يالنجي السلق والملفوف وورق العنب والباذنجان
من الاكلات الصحية والخفيفة والمفضلة للنباتيين
-
-
-
-
وصفات ننصحك بمشاهدتها
التعليقات