أول حاجة نحط صدر الدجاج كما هو في طنيجرة نقليه شوية ونحط البصل يتقلا معاه ونضيف الجزر المقطع و التوابل المذكورة ونمرق بالماء ونغطيه نخليه يطيب.

بعد ما يطيب الدجاج والجزر وهاديك لاصوص تنشف و تولي خاثرة نصفيها ونخليها بجيه. ومن جهة اخرى نملح البطاطا لي قطعتها مكعبات ونقليها عادي في الزيت.

في إناء نفتت الدجاج قطع صغار. ونضيفلو الجزر والبطاطا المقلية و الزيتون المقطع والجبن الطري والمعدنوس

وفي إناء اخر نضرب البيض ونزيدلو هاديك لاصوص لي طاب فيها دجاج وشوية كريمة سائلة وجبن مبشور. نضيف الخليط السائل الى الخليط الأول ونخلطهم مليح ونحطهم في مول وندخلو الفرن يطيب (يستوي) وينشف... وشهية طيبة