نخفق البيض مع السكر و الفاني مدة 10 دقائق حتى يتضاعف الحجم و يصبح الخليط ابيض فاتح ثم نضيفلو كمية الفرينة (طحين) مغربلة و نزيد نخفق بالباتور حتى تنسجم الفرينة (طحين) ، نقسم الخليط الى قسمين متساويين

و نفرغ القسم الاول فوق صينية مفرشة بورق الزبدة و نسوييه جيداً و نخبطو مرتيين باه يخرج الهواء و ندخلو لفرن مسخن على 180° حوالي 10 دقائق و نخرجو ننزعو من الصينية و نحيلو ورق الزبدة و نقسمو على 2 و نزيد ندخل الجزء الثاني يكيب و كي نخرجو نديرلو نفس العملية مع الاول

نحط السكر و الماء فوق نار يغليو بعد ما يبدا يغلي نضيفلو شريحتين ليمون و نحسب 10 دقائق و نطفي عليه و من جهة اخرى نطلع الشانتيه جيداً و ندخلها ثلاجة تشد روحها شوية

بالنسبة الكريمة الليمون نحط عصير الليمون يغليي و نخفق البيض مع السكر والفانيلا باليد فقط و بعد ما يغلي الليمون نضيفهم ونخفق جيداً ثم نحطهم فوق نار هادئة مع التحريك المستمر حتى تعقد نحيها من فوق النار

ونضيفلها الزبدة و نحرك جيداً حتى ذوب نغطي المريمة و نخليها على جنب تبرد ، نجيب الجينواز ونحطها فوق صينية مرشوشة بالسكر باه ماتتلاصقش و نشربعا بالسيرو

ثم نحطلها كمية من كريمة الشانتيه و نضيفلها الطبقة الثانية و نشربها جيداً بالسيرو و نديرلها كمية من الشانتيه و هكذا حتى نكمل الطبقات 4 و ندخلها الثلاجة تحكم روحها حوالي نصف ساعة

نخرجها و نسكب عليها كريمة الليمون و نمشيها جيداً فوق الكيك ثم نزينها بخطوط من صلصة الكراميل (اختياري) و نزيد ندخلها لثلاجة على الاقل ساعتين

ثم نخرجها ننزعلها الحواف و نقسمها على حسب الرغبة و نقدمها صحة و هنا 😋 صدقوني ما تتفرقش على ليتباع برا