فريكة مفلفلة
طيبة كتير وصحية ومناسبة للعزايم وجمعات الاهل
الخطوات
- 1
اول شي منغسل فخاد منيح بلملح والخل منرجع منغسلن بلمي ومنسلقن وبس نشيل الزفرة منحط ملعقة كبيرة ملح وبصل مقطعة اربع قطع والباقة العطرية
- 2
بعد ٤٥د منشيل قطع الجاج منحطن بصينية فرن منحط فنجان مرقةجاج ونص فنجان زيت زيتون ملعقة بهارات مشكلة ومنغلف لفخاد بلتتبيلة ومنشويها بلفرن حتى يتحمر الوجه
- 3
هلئ منقي الفريكة ومنغسلها بلمي عدة مرات منصفيها ومننقعها مدة ساعة
- 4
بطنجرة علغا منحط فنجان زيت ومنصفي بلفريكة من المي ومنحمصها بلزيت منضل منقلب ربع ساعة بعدين منضيف مرقة الجاج لازم تكون عم تغلي كل كاسة فريكة بدها كاسة ونص مرقة
- 5
لفريكة منقوعة اذا مو منقوعة بدها كل كاسة فريكة كاستين مرق
- 6
منزبط ملحها وعلى نار قوية بس تنشف لمي منخليها ع نار هادية لتستوي
- 7
منفور البازيلا مع شوية مي ورشة سكر ١٠د ومنصفيها من المي ومنقليها بشوية زيت تقليبتين
- 8
منحرك لفريكة ومنسكبها بجاط التقديم ومنحط قطع الجاج عليها ولبزاليا ومنقدمها مع سلطة خضرة
- 9
وصحتين وعافية
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (3)