في إناء نحط العدس ونرمي عليه ما سخون ونخليه ينتفخ مدة نصف ساعة منبعد نحكو مليح نحيلو كامل القشرة يولي اصفر نصفيلو القشرة ونشلو مليح و نديرو يغلي.انا نشلل بالماء السخون او دوافي باه القشور يطلعو للفوق ونصفي بصفاية

نحطو يغلي في قدرة ونخليه

في كاسرول نحط ماء ونحط معاه لفت قرعة طماطيش كرافس نخليهم يغليو كي يطيبو نطحنهم بالبرا ميكسور ونضيفهم للعدس ونخليهم يكنلو طياب مع بعض

في طنيجرة صغيييرة نحط بصل مفروم ناعم التوابل و الزيت والمعدنوس يتقلاو غير يتقلالي البصل نرميه للعدس بعدما يطيب (يستوي) العدس ونخليهم يكملو طيابهم و اذا شفتي العدس نشف ضيفيلو ما بارد باه تخلعيه و يطيبلك بالخف

نخليهم يغليوه مع بعض فالاخير نضيف حفنة رز ونخليه يطيب (يستوي) ونطفي

ملاحظة برك غير نشوف العدس نشفلي نزيدلو ماء بارد.