على بركة الله تعالى نضع دقيق وملح ونلم بالماء حتى تصبح عجينة ونقعدو ندلكو فيها حتى تتعجن مليح كي نعجنوها مليح نجيبو دقيق نكسللوها عليه نديرو دائرة كبيرة منين نكسلو نرشو الدقيق كاين لي ديرها بالفرينة كل واحد كيفاه حتان (حتى) نكسلوها كامل ونزيدو نرشوها نقعدو نطبقو فيها ومن ثمن نفتحوها

نديرو حربوش ونقطعوه دوائر صغيرة و من بعد نفتحوها من بعضاها ونخبطوها شوي باه يهبط دقيق ثم نفوتوها في سيار باه يهبط دقيق

في جهة اخرى نديرو مرق احمر ونضيفولو فول يابس و حمص كي تطيب اي تستوي مرق نضيفو حسوة تاعنا غير بالشوي و نحركو باه متتلسقش حتان (حتى) يطيب (يستوي) لعجين و اذا جاتك عاقدة ضيفي ماء ان شاء الله تعجبكم جيت نصورها في الاخير للاسف هجمو عليها مخلاونيش نصور مهم بصحة والعافية 🤗🤗❤❤💖💖