نضع في قصعة الدقيق الملح ونلم العجين بالماء حتى نتحصل على عجين يابس نوعا ماء

نخليها ترتاح حوالي عشرين دقيقة ونبدا نعجن فيها دون ما نقطع العجين لما نشوفها بدات تطرى نبدأ نضيف في الماء بالتدريج غير بشوي ونستمر في العجن دون تقطيع نبقى نزيد في الماء ونعجن حتى تصبح عجين تتلصق في اليد نديرها كريات صغار بعد ما نكون دهنت يدييا بالزيت حتى نكمل العجين نغطيهاونخليها تريح قد منخليها مليح

مبعد نبدأ نحلها دائرة ونستعين بالزيت في كل مرة نحلها حتى نتحصل على دائرة كبيرة ورقيقة نحط الزيت في النص ونبدا نطبق في الاطراف بالجهة وفي كل مرة نحط زيت حتى نطبق الجهات الأربعة ونتحصل على مربع ونبدا نطيب بعد ما نرش طاجين الحديد او النحاس لي نكون سخنتو مسبقا نرشو بالزيت ونحطهم يطيبو على نار دليلة ونقلب في كل مرة حتى يطيبو من الجهتين