نقطع البصل و الجزر و نبرش الطماطم و قليل من الزيت مع الملح و اللحم ورنخليها تتقلى و ممرقها بالماء الساخن و نخليها تغلي نضيف الفلفل الاحمر و الزعفران

الكسكسي كل كيلو كسكس ندهنو بالزيت و نصب عليه لتر ماء يخلي نخليه يتشرب و نحركو بالمغرف حتى يتحل من بعضاه و نحطو يفور تقريب نصف ساعة بعدها نزل الكسكاس في جفنه و نحط فيه الملح حسب الحاجه و نرشو بالما منكثرش الماء و نحلو في الجفنه و نرجعو يفور مره اخرى و كي نشوف البخار يطلع نخليه عشر دقائق و نزل الكسكس و نسمغو بالزبدة هكا راه واجد

نرجع للمرق و نضيف البطاطاو الكابو اذا كان حطينا دجاج نحيه حتى ميطيحش و اذا كان لحم نخلي يكمل الطيباب حتى يستوي مع المراقبه كي يطيب (يستوي) نحيه ونخلي المرق يطيب (يستوي) و اذا نقص عليها الماء نظيف ماء ساخن و من مباعد نضيف الحمص يكون طايب من قبل

حنا في المنطقه نتاعنا نضيف ليه سكر ولي ميحبش ميضيفش

و كي نشوف المرق بدات تعقاد نضيف راس الحانوت و الفلفل الاخضر و الكرويه نخليها اخر شي و نطفي النار

نشاء الله نكون وصلتلكم قليل من عداتنا