نضع الزيت فالقدرة نخليه يسخن ونضيف اللحم او الدجاج نقليهم مليح بالتحريك كل مرو ونضيف البصل مع مواصلة التحريك ونزيد الطماطم حب والثوم والطماطم المصبرة ورقة الرند والملح والكمون مع مواصلة التحريك حتى يقلاو مليح ويتمزجو مع بعضاهم ونمرقو بشوية ماء سخون

من جيهة اخرى نكونو ديجا غلينا اللوبيا في الماء والكمون ونصفوها ونضيفوها للمرقة ونخلوها اطيب على نار قليلة وقبل منطفيو بخمس دقائق نرميو الفلفل الحار يخلي بنة وريحة والي يحبها حارة نضيفو واحد فلفل فالاول واحد فالاخير وشهية طيبة