في وعاء نضع البيض+ قرصة ملح نخلط جيداً حتى يبيض لينا الخليط ثم نضيف السكر+الفانيلا و نواصل الخلط حتى يذوب لينا السكر يمكن الاستعانة بالباتور انا خلطت بالفوي

كي يذوب لينا السكر نبدأ نضيف الزيت بالتدريج مع الخلط المستمر حتى تتجانس المكونات مع بعض

كي تتجانس لينا المكونات ديالنا جيداً ندير شوية فرينة (طحين او دقيق)+ الخميرة نخلطهم جيداً باه تتجانس الخميرة مع باقي المكونات ثم نواصل جمع الخليط ديالنا بالفرينة حتى الحصول على عجينة طرية لا تلتصق في اليد

نحطو مقلاة فوق النار او نعمروها بالزيت لازم يكون الزيت غزير و نخليها تسخن على نار متوسطة باه كي نحطو القاطو ديالنا ايطيبلنا من الداخل ثاني

نرش طاولة العمل بقليل من الفرينة (طحين) ثم نبدأ نأخذ قليل من العجينة يكون وزنها حوالي 35غ انا ندير عيني ميزاني ثم نبدأ نشكل حربوش صغير او نغلقها على شكل كعيكعات نكرر نفس العملية مع باقي العجينة

بعد ما تسخن الزيت ديالنا نبدأ نحط حبات القاطو باه يطيبو غير ياخذو لون ذهبي من تحت نقلبها باه يطيبو من الجهة الثانية ثم نحوهوم فوق ورق ماص للزيت او نخلوهوم حتى يبردو مليح

كي يبرد لينا القاطو ديالنا نبدأ نرمدو في السكر الناعم نواصلو حتى نكملو كامل القاطو ديالنا و شهية طيبة