بغسل السمك بمصفاي وببهرو وبملح

بقطع البطاطا قطع على حجم حبة البطاطا رفيعه لحتى تستوي بسرعه مع السمك

بقطع البصلة شبر او طولي وبرش ملح وفلفل اسود على وعلى البطاطا وبصفهم قاعده للسمك

بحضر الخلطه الى بدي احشي السمك فيها

بصحن بقطع البقدونس ناعم وبدق الثوم وبحط الشطه وزيت الزيتون والكمون والملح والفلفل الأسود والكزبرة الناشفه وبخلطهم مع بعض بجيب قطع السمك

وببلش احشي وبلف القطعه رول وبسكرها بنكاشة الأسنان وبصفهم فوق البطاطا والبصل بالصينيه وبحط الماء وبحطها بالفرن مغطايه لساعه تقريبا على درجة حرارة وسط

بحضر بالاثناء هاي خلطة الطحينيه والليمون بجيب كاسة الطحينيه بحط عليها نص كاسة ماء ورشة ملح وبخلطهم كتير منيح مع بعض بعدين بجيب عصير الليمون وبنخلط مع بعض وبعد الساعه بضيفهم على السمك وبس يغلي مع بعض بحمرهم بالفرن وصحه وعافيه