بسم الله ندير اربع كيلات تاع دقيق فالقصعة انا هنا درت اربع كيلات تسما ندير اربع ملاعق خميرة الخبز وانتي كل ماتزيدي كيلة زيدي الخميرة والملح والسانوج 🙃 ونحط الطاجين يحما

بعد مانحط كل المكونات فالقصعة الخاصة بالعجن نجيب الماء الدافئ ونبلل العجين حتان تتلم منجريوهاش كي تتلم ندلكوها ونضيفو الماء بالشوي باه ميجيناش معجن ندلكوه ملليييييح ولي عندها بيترا تسما رابحة فلافير 😅😅😭

كي ندلكو نقسمو علا اربع كويرات ولي نقسمها ندلكها ونديرها فالطرشونة المطلوع ومن بعد نڨرصهم (نخبزهم) ونخليهم يتضاعف شوية حجمهم ونطيبهم فالطياب كي تشوفي الحاشية تاعو نشفو قلبي وكملي الطياب عالجيهتين