في برمة حطي البصلة و التوابل و الملح و الزيت و الطماطم و الدجاج و حطيها تتقلى مليح و اقعدي حركي حتى تشوفي الدجاج بياض و اتشرب من التوابل وامرقي بالماء الساخن بالشوية حتى تغطي اللحم و خليه حتى يطيب و نحيه وخليه ينشف و زيدي الخضر و الحمص و في الاخير راس الفلفل الحار.

جيبي الشخشوخة و سوميها(يعني اغسليها بالماء البارد مرة واحدة فقط) و صفيها مباشرة و خليها تنشف ومن بعد حليها في قصعة و ديرلها ملعقة زيت و حطيها في كسكاس تفور فوق المرق وكي تنحيها بليها بشوي تاع مرق وكرري العملية مرتين و في الاخير ديريلها شوية زبدة

في مقلاة او في مرميطة ما تلصقش حطي الشخشوخة و زيدي فوقها المرق بالشوية و خليها تتجمر على مهلها و زيديلها ملعقة زبدة و حركي و على نار تكون هادئة حتى تشوفيها تشربت من المرق و طرات نحيها و قدميها في صحن و زينيها بالخضر و الدجاج بعد ما تكوني قليتيه او حمرتيه في الفرن مع شوية زبدة. بالصحة و الهنا