केळे सोलून त्याचे १-१|| इंच जाडीचे काप करावेत. प्रत्येक कापाला भरल्या वांग्यांसाठी करतो, तशी उभी-आडवी चीर द्यावी, (+) म्हणजे त्यात सारण भरता येईल. केळ्यात तयार सारण भरावे. मी सारण तयार होते म्हणून घेतले. त्याऐवजी १ कप ओल्या नारळाचा चव, अर्धा कप गूळ किसून, पाव चमचा वेलचीपूड, आवडीप्रमाणे सुक्या मेव्याची भरड पूड किंवा काप घेऊन एकत्र करून सारण तयार करावे.)

फ्राय पॅन किंवा पसरट भांड्यात साजूक तूप तापवून त्यात तयार केळी रचून ठेवावी. उरलेले सारण केळ्यांच्या आजूबाजूस पसरावे. वरून झाकण ठेवून केळी चांगली शिजवून घ्यावी

मधून मधून झाकण काढून केळी फिरवून घ्यावी. सारणात गूळ असल्याने, भांड्याला खाली लागण्याची शक्यता असते. थंड झाल्यावर खायला द्यावी.