بسم الله نجيب لفليو نحيلو لورق تاعو برك نغسلو مليح مليح زوج الى ثلاث خطرات نخليه بجيه نجيب لباطاطا نقطعها مربعات صغيرة ونقشر الثوم ونخلطو مع لفلفل الاحمر اليابس ونديرو فالمهراس مع لملح ونهرس كلش مليح نحط درسة لي خدمتها مع الزيت فالطنيجرة مع لفلفل العكري الاحمر ولباطاطا

ونقص لنار ونحمس مليح مليح ونمرقها بنص كاس ماء ونخليها طيب على نار قليلة كي طيب لباطاطا وتتجمر نرمي الفليو تاعي كي يذبال نخلط زوج حبات بيض مليح مع لملح ونديرو ملفوق كي يطيب (يستوي) لبيض نطفي بصحة و الراحة