कांदा, टोमॅटो, सिमला मिरची बारीक चिरावेत. कढईत तेल गरम करून त्यात हिंग घालून कांदा घालावा. कांदा थोडा मऊ झाल्यावर त्यात आले-लसूण पेस्ट घालून खमंग वास येईपर्यंत परतावे.

परतलेल्या कांद्यात सगळे मसाले घालून परतावे. सर्व एकजीव झाल्यावर त्यात टोमॅटो व सिमला मिरची घालून झाकण ठेवून थोडे शिजवून घ्यावे. अंडी फोडून त्यात चिमूटभर मीठ घालून फेसून घ्यावे.

टोमॅटो व सिमला मिरची शिजल्यावर त्यात फेसलेले अंडे घालून मिश्रण एकजीव करावे.

तयार मिश्रणात शिजवलेला भात घालून एकत्र करावे. झाकण ठेवून दोन मिनिटे शिजू द्यावे. अंडे भातात शिजल्यावर वरून कोथिंबीर घालून गरमच खायला द्यावा, ' मसाला एग राईस'.