प्रथम पपई सोलून, आतील बिया काढून घ्याव्यात. पपई सोलताना साल जरा जाडसरच काढावी, नाहीतर कडवटपणा येतो. बिया काढल्यावर खालील पातळ पापुद्राही काढून टाकावा.

पपईच्या बारीक फोडी करून मिक्सरमध्ये त्यांचा लगदा करावा. त्यात कंडेंस्ड मिल्क घालून पुन्हा मिक्सर फिरवून घ्यावा.

पपई कमी गोड असेल तर किंवा आपल्या आवडीनुसार पिठीसाखर घालून मिक्स करावे.

हे तयार मिश्रण आईस्क्रीमच्या साच्यात किंवा केकटीनमध्ये ओतून फ्रीजमध्ये थंड करावे.