بسم الله اللهم صلي وسلم على نبينا محمد نوجد المكونات كامل في اناء نضع الفرينة ونضيفلها كل المكونات ماعدا الماء نخلطهم مليح ثم نضيف الماء بالكاس ونخلط مليح

كي نضيف الكاس الاول نزيد نضيف الكاس الثاني ونخلط مليح مليح والربع هذا نضيفو بالشوية لكن على حساب فرينتكم يكون الخليط عاقد انا هذاك الربع درت منو غير شوية نترك الخليط يرتاح عشرين دقيقة مغطي نحضر المقلة ندير فيها زيت غزير يسخن على نار متوسطة نعمر المحقن

ونشكل في المقلة الزلابية تاعنا الاولى ما نجحتش فيها والثانية والبواقي جاوني توووب مباشرة من المقلة للعسل نقطرها ونقدمها والله جات توب قالي راجلي وداعا زلابية البرا هههه وانا قتلو رووح تلعب هههههحتى انا نحب تع البرا هيا لبنات جربوها قبل رمضان بالصحة والراحة نعمة دايمة عليا وعليكم يارب