في كاسرونة نخلط بليد الزبدة والسكر قلاصي مليح ونزيد النشاء ونخلط براحة اليد مليح ونزيد الفرينة كيلو نقصو من كاس ونبسسها بيدينا مليح ونخلط البيضة مع الماء وماء الزهر مليح ونكبها على الخليط ونلمها مليح اذا جاءكم جارية زيدو كاس الفرينة لي نقصناه انا جاتني قدقد مزدتش الكاس ونخليها تريح 2سا

مبعد نكورها كويرات ونحل كل كويرة ونحط حربوش رقيق من الغرس ونغلق مليح نعملها على شكل اسوارة وننقشها بنقاش ونخليها تريح قبل الطيلب 2سا الى أكثر ونطيبها في فرن سخون 20 0د كي طيب من تحت نشعلو من فوق يزيد يحمار وصح عيدكم