સૌપ્રથમ લીંબુને કાપીને તેના ટુકડા કરો હવે તેને મીઠા અને હળદરમાં રગદોળો અને એક કાચની બોટલ ૨૧ દિવસ માટે અથવા મૂકી દો વચ્ચે વચ્ચે બોટલને ઉપર-નીચે હલાવતા રહો ૨૧ દિવસ બાદ લીંબુ ને બહાર કાઢી ચોખ્ખા પાણીથી બરાબર ધોઈ નાખો હવે જેટલા લીંબુ લીધા હોય તેનાથી ડબલ માત્રામાં ખાંડ સાથે તેને મિક્સ કરો

હવે તેને ગેસ પર ખદખદવા દો લીંબુ ટ્રાન્સપરન્ટ જેવા થઇ જાય એટલે તેમાં મરચું મીઠું હળદર ધાણાજીરૂ નાખીને બરાબર હલાવો આ ચાસણીમાં લીંબુ પોચા પડી જાય તથા બધો મસાલો ભળી જાય ત્યાં સુધી તેને ગેસ પર હલાવતા રહો હવે ગેસ બંધ કરી થોડું ઠંડું પડવા દો

ઠંડા પડેલા અથાણાને કાચની બરણી ફીટ થાય તે રીતે ભરીને બંધ કરી લો જ્યારે ખાવાનું મન થાય ત્યારે તેને બોટલમાંથી થોડું કાઢીને બોટલ ફરી બરાબર બંધ કરી લો આમ કરવાથી લાંબા સમય સુધી અથાણું સારું રહે છે તો તૈયાર છે આપણું લીંબુનું ગળ્યું અથાણું