في إناء نحطوا الزبدة تكون بحرارة الغرفة ورشة الملح والبيض والسكر ونخلطوا مليح حتى يذوب السكر نزيدوا الفانيليا والنشاء ونخلطوا ونزيدوا جوز الهند وحليب البودرة ونخلطوا نزيدوا نجمعوا بالفرينة والخميرة حتى نتحصلوا على عجينة طرية نغطوها ونخلوها ترتاح

نفتحوا العجينة على سمك واحد سم نطبعوا الشكل الى حابينه ندخلوها على فرن حرارته متوسطة بعد ما طيب نخلوها تبرد ونحضروا الحشو

في صحن نحطوا نواة كوكو (جوز الهند) ونلموا بنيسلي نتحصلوا على عجينة متماسكة وطرية

نفتحوا الحشو على سمك رقيق ونلصقوا الحبات مع بعض ونذوبوا الشوكولاتة على حمام مائي من غير اي اضافات ونغلف الحبات مباشرة نزينها بجوز الهند من الفوق ثم نضع حبة الجوز في الوسط كلمسة اخيرة وشهية طيبة