أولا نجيب الباذنجان نقيه ونقطعو شرائح طوليا ونديرلو شوي ملح ثم نقليهم في كمية قليلة من الزيت

ثم في مقلاة نضع قطعة زبدة وملعقة كبيرة زيت ونضع اللحم المفروم او الدجاج المفروم والملح والفلفل الأسود والثوم والمعدنوس نقليهم جيدا حتى يطيب اللحم

ثم نجيب مول يدخل للفرن مدهون نضع الباذنجان بالطول نصف القطعة يكون داخل المول والنصف الثاني يكون خارج المول ونغطي وسط المول بالشرائح الصغيرة تاع الباذنجان

ثم نضيف اللحم المفروم لي كنا طيبناه ونزيد طبقة من صلصة الطماطم ثم الجبن المبشور ثم طبقة البطاطا ثم نغطي بالباذنجان لي كنا درناه وخليناه خارج وفي الوسط نضع كمية من صلصة طماطم وندخله الفرن حتى يتجمر ويقدم