बेसन व्यवस्थित चाळून घ्या..कढईत दोन टीस्पून तेल वगळून बाकीचं गरम करा. त्यात लसूण घालून लालसर करावा.हिंग, जिरं मोहरीची ओवा आणि मेथीदाणे फोडणी करा.वाटण घालून कच्चा वास जाईपर्यंत परतून घ्या.

त्यात हळद आणि बेसन घालून थोडे परता. पाणी घालून उकळी येऊ द्या. सतत हलवत रहा,म्हणजे गुठळ्या बिलकुल होणार नाहीत.

मिश्रण घट्ट झालं की त्यात उलथणं उभं करून पहा,उभं राहिलं तर भांड्यावर पाण्याचं झाकण ठेऊन मंद आचेवर दोन वाफा काढा.गॅस बंद करन,
त्यात २-३ चमचे तेल घालून चांगलं एकजीव करा.

ताटाला तेलाचा हात लावून त्यावर तयार मिश्रण पसरून,समतल करून घ्या. वरून भरपूर खोबरं आणि कोथिंबीर पसरून हाताने थोडं दाबून घ्या.

थंड झाल्यावर चौकोनी किंवा तुम्हाला हव्या त्या आकाराच्या वड्या कापा आणि तशाच किंवा तळून आस्वाद घ्या.मी आपल्या थीमप्रमाणे चंद्रकोरीच्या आकारात कापल्या.