#दूध

एकेक स्थळाची खासियत असते एखादा खाद्यपदार्थ.जसे मुंबईचा वडापाव;पुण्याची बाकरवडी; कोल्हापुरची मिसळ,पंधरा रस्सा,तांबडा रस्सा; सोलापूरची शेंगाचटणी, कडक भाकरी; नागपूरचे सावजी मटण, पुढची वडी;विदर्भची मांसवडी;मालवणचे काळ्या वाटाण्याचे सांबार, वडे सागोती तसंच कोल्हापूरजवळच्या राधानगरीची खासियत आहे दूधसार.

दुधापासून निरनिराळ्या प्रकारची मिठाई बनते हे सर्वांनाच ठाऊक आहे,पण दुधापासून बनणार तिखट पदार्थ म्हणजे दूधसार.जो खास सार्वजनिक गणपतीच्या विसर्जनानंतर ,मंडळाच्या दमल्या भागल्या कार्यकत्यांसाठी बनवला जातो.त्यासोबत ब्रेड असला की पुरे.

या दुधसारचा मसाला गुपित असायचा.पण हल्ली राधानगरला हा मसाला मिळू लागला आहे.एकदा म्णला भेट म्हणून मिळाला होता. नेहमी कसा मिळणार म्हणून या मसाल्याचे पृथक्करण करून ट्रायल अँड एरर पद्धतीने या मसाल्याचे योग्य प्रमाण शोधून काढले.योग्य प्रमाण कोणी ठरवायचे असं कोणीतरी विचारेल,तर आपली जीभच योग्य प्रमाण ठरवते.एकदा खाल्लेली चव जीभ विसरत नाही.त्यामुळे पुन्हा तीच चव मिळाली की जीभच पावती देते.

दूधसारचे एक वैशिष्ट्य म्हणजे ,दूध तिखट पदार्थात वापरलं जात आणि ते निरसं वापरलं जातं.निरस म्हणजे न तापवलेलं.

घ्या तर साहित्य जमवायला.