સૌ પ્રથમ એક મોટા વાસણ માં મોળો માવો છીણી લેવું. હવે ગુલાબ જાંબુ ઈન્સ્ટન્ટ મિક્સ ના પેકેટ માં આવેલું પાઉડર મિશ્રણ ને એ માવા માં ચાળવું. તેમાં જરૂર મુજબ પાણી કે દુધ એડ કરી સારી રીતે મિક્સ કરી, મસળી ને રોટલી જેવી કણક તૈયાર કરવી. (ઇલાયચી પાઉડર ગમે તો એડ કરી શકાય)

હવે આ મિશ્રણ માંથી નાના નાના બોલ્સ બનાવવા. (મિશ્રણ એટલું સ્મૂથ કરવુ કે બોલ્સ બનાવતી વખતે તેમાં ક્રેક ન પડે. હળવા હાથે જ બોલ્સ બનાવવા, મિશ્રણ કઠણ લાગે તો 1-2 ટી.ચમચી પાણી એડ કરવું.)

તૈયાર કરેલા બોલ્સ ને નેપ્કિન અથવા ઢાંકણ વડે ઢાંકી રાખવું. જેથી બોલ્સ ડ્રાય ન થાય. હવે એક કઢાઈ માં ઘી ગરમ કરવું. ધીમી આંચ પર ગોલ્ડન કલર ના તળી લેવા. વચ્ચે સહેજ હલાવતા રહેવું. આ રીતે બધા જાંબુ તળી લેવા.

ચાસણી બનાવવા માટે એક તપેલીમાં ખાંડ લેવી. તેમાં પાણી એડ કરવું. ખાંડ પીગળે પછી 5-7 મિનિટ માટે પાણી ઉકાળવું. ગેસ બંધ કરી દેવું. ચાસણી તૈયાર છે.(ચાસણી ને બહુ ઘટ્ટ ન કરવી.)

હવે ચાસણી થોડી ગરમ હોય ત્યારે જ તળેલા બધા જાંબુ તેમાં એડ કરવા.6-7 કલાક ચાસણી માં ડુબાડી રાખવા. ચાસણીમાં 4-5 ટીપાં રોઝ એસેન્સ એડ કરવું.

ગુલાબ જાંબુ સર્વ કરવા માટે તૈયાર છે.