شرحات اللحم اذا كانت سميكة لازم ندقا لحتى ترق وللتتبيل ملح وبهار اسود وزيت زيتون وممكن رشة بهار لحم وتركتن شي ربع ساعة

بهالوقت قطعت مربعات كبيرة حبتين بطاطا حبتين جزر حبتين كوسا الكمية حسب الرغبة هلا منجي للطبخ انا قليتن كلن بزيت زيتون اول شي البطاطا وبعدا نزلت الجزر وبعدا نزلت الكوسا وبقلب فين مع رشة ملح وبهار اسود ومشكل مع شوي مي حتى مايعلقو وتركتن ينطبخو ع نار هادية ممكن اللي بحبن اخف تسلقون بمي بس بدون تقلاية

لطبخ الستيك بطواية شوي زيت زيتون حطيت نص الشرحات وبضل بقلب عالطرفين ليستووا بشيلن

نزلت النص التاني علطواية وقلبت عالطرفين بنص الطريقة وبعدا كتيت فوقن شوي ليمون او خل مع توم مدقوق هيك صارو مطفايات طعمتن كتير طيبة بتركن شوي بعدا بطفي النار بس مالازم يحترقو

هيك بتكون الخضرة انطبخت بتقدمون بالطريقة اللي بتعجبكن وبصير جنبن بطاطا مقلية وسلطة جربون وصحتين وهنا ولاتنسو تتابعوني☺️