મેંદા માં દહીં નાખી 24 કલાક પહેલા ખીરું પલાળવું. શિયાળો હોય તો 1½ દિવસ પેલા પલાળવું. ખીરું બહુ પાતળું ન થવું જોઈએ.

જલેબી કરતી વખતે તેમાં ચણા નો લોટ ½ ટી ચમચી ઘી અને ચપટી સાજી નાં ફૂલ નાખવા. પ્લાસ્ટિક ના પ્યાલા માં કાનું પાડી, ખીરું નાંખી ને જોઈ લેવું.

ઘી બરાબર ગરમ થાય એટલે જલેબી અંદર થી પાડવા ની શરૂ કરી બહાર ની બાજુ એ ગોળ પાડવી. પ્યાલો ભરેલો હશે તો જાડી જલેબી પડશે. પ્યાલા માં ખીરું ઓછું હશે તો પાતળી જલેબી થશે.

ખાંડ ની ૧½ થી ૨ તાર ની ચાસણી કરી. તેમાં પીળો રંગ તથા કેસર વાટી ને નાખવા. તેમા ગરમ ગરમ જલેબી નાખી, બીજો ગાણ થાય ત્યાં સુઘી રહેવા દેવી.

બીજો ગાણ થાય એટલે પહેલો ગાણ કાઢી નાખવો. ચાસણી ધીમા તાપે ગરમ રાખવી. બહુ જાડી થાય તો સહેજ પાણી નાખવું. ચાસણી બહુ જ વધારે જાડી થઈ જાય તો થોડી વાર ગેસ બંધ કરવો.