#पौष्टिकआहाररेसिपी
#कूकपड
#पेरूभाजी
#भाजीरेसिपी
पेरू एक आंबट-गोड फळ आहे. याची झाडे विषुववृत्तीय व उष्ण हवामान असलेल्या भागात वाढतात. खूप वर्षांपूर्वी पोर्तुगिजांनी दक्षिण अमेरिकेतून हे फळ भारतात आणले. सध्या भारतभर पेरूची मोठ्या प्रमाणात लागवड होते. यास "जाम' किंवा "अमरूद' असेही संबोधले जाते.

पेरूमध्ये असंख्य औषधी गुणधर्म असतात.पेरूमध्ये कॅल्शिअम, फॉस्फरस, लोह व ‘क’ जीवनसत्त्व भरपूर प्रमाणात असते. तसेच तंतूमय पदार्थ, खनिजे, प्रथिने, पिष्टमय पदार्थ व थोडय़ा प्रमाणात ‘अ’ व ‘ब’ जीवनसत्त्व असते. ‘क’ जीवनसत्त्वामुळे पेरू खाल्ल्याने विविध आजाराविरुद्ध रोगप्रतिकारक शक्ती वाढते.

आतून पांढरे अथवा लालसर असते.कच्चा पेरू वरुन हिरवा तर पिकल्यावर पिवळ्या रंगाचा असते. नंतर गर बियाळ असतो. चव गोड असते पण, त्यातल्या बिया दातात अडकून बसणं हा सगळ्यात जास्त त्रासाचं असल्यानं अनेक जण पेरूच्या वाट्याला जात नाहीत. पण आज आपण पेरूच्या सालासकट आणि बियांसहित जेवणाची चव वाढविणारी पेरूची आंबट तिखट आणि गोड भाजी बनविणार आहोत.