في صحن كبير ندير الفرينة والخميرة وندير الماء ونزيد الملح حسب الذوق ونجمع العجينة ممكن نزيد الماء إذا إحتجنا إليه وبعد نزيد ملعقتين كبيرتين زيت الزيتون وندلكها

نحلها فوق كيس بلاستيكي ونطبع دوائر بطابع كبير أو صحن كبير أنا إستعملت هاذ الآلة تاع الشوصون ونحتاج أيضا بابي كويصو باش نستعين به في رفع العجينة

هنا طيبت صوص طماطم وزدتلو ملح وفلفل أسود وحشاوش مقطعة رقيقة وكمون أبيض ونحط الخبزة فوق البابي كويصو ونحط الحشو ونغطيها بخبزة أخرى ونضغط عليها في الجوانب باش ماتتفتحش ونسخن الزيت ونرفع الخبزة كيما راه مبين في الصورة

وبعد نبدأ نرفع في البابي بالشوي إذا لصق إرمي فيه الزيت وأنزعيه راح يترفع بسهولة وإرمي على الخبزة الزيت وقلبيها والنار تكون هادية وبعدما تأخذ لون ذهبي قطريها من الزيت وبصحتكم

نقدم تحياتي لصاحبة الوصفة (حلويات ناجحة مع فيفي)