إفتح في تطبيق كوكبادالخطوات
- 1
اول شي نبداو بالعجين نبلوه و نخلوه يرتاح، انا ندير سميد ملح سكر نخلط و نطمهم بالماء الدافي و نحكم كيس نغسلو و نحط فيه شوية ماء دافي نحط العجين فيه و نغلق مليح عليه و نروح لصلصة
- 2
ملاحظة السكر في العجينة يعطيها تحميرة شابة ملعقة صغيرة في كيلو
- 3
بعدما ترتاح نحيها من الكيس و نبدأ نعجن فيها و نضيف الماء حتى تولي مطاطية و رطبة لتم نلوزها و نخليها ترتاح 15دقيقة و نبدأ نفتح فيها
- 4
صلصة ميمة الله يرحمها بنتها لا توصف
- 5
في مقلاة او قدرة نحطو اول شي شوية زيت و نقطعو 6 بصلات مربعات صغار نقلوهم اول شي بشوية ملح نوجدو 5 سنينات ثوم ندرسوهم مع حبة حار و شوية ملح فالمهراز اكيد نحو زريعة لي فالحار كي يذبال البصل نحطو عليه خليط ثوم و الحار نقلوه 3دقايق و نضيفو 2 حتى 3 ملعقة كبيرة طماطم مصبرة نقلوها شوية و نضيفو 4 او 5 حبات طماطم 🍅 منزوعة القشر و البذور نمعسوها بأيدينا او نقطعوها مكعبات صغار كي نزلو الطماطم لتم نحطو التوابل المذكورة فالمقادير و نضيفو الحار حسب الرغبة
- 6
- 7
كي نطفو على صلصة و تبرد شوية نضيفو نصف ربطة حشيش مقطفة و شوية نعناع مقطعين صغير صغير لي تجربها تدمن عليها بنتها مخالفة وعد مني ❤
- 8
ملاحظة عجينة لمسمن محاجب ورق شخشوخة كلهم اخدموهم بالماء دافي تسهلو على رواحتيكم العجن
الكوكسناب
وصفات مشابهة
وصفات ننصحك بمشاهدتها
التعليقات (2)