સૌપ્રથમ બેસન નો લોટ લઇ ચાળી લો. એક વાસણમાં લોટ લઇ તેમાં જરૂર મુજબ પાણી ઉમેરી બુંદીમાટેનું બેટર તૈયાર કરો. તેમાં ચપટી સોડા ઉમેરો.એક લોયુ લઈતેમાં ઘી ગરમ મૂકો.

ઘી ગરમ થાય પછી તેમાં ઝારા વડે બુંદી પાડી તળી લો. પછી એક તપેલીમાં ખાંડ લઈ તેમાં જરૂર મુજબ પાણી ઉમેરી દોઢ તારની ચાસણી તૈયાર કરો.

ત્યારબાદ ચાસણી થઈ જાય પછી તેમાં તળેલી બુંદી ઉમેરો. મિક્સ કરી લો. પછી તેમાં કાજુ કિસમિસ અને ઇલાયચી પાઉડર ઉમેરો. બધું જ મિક્સ કરી લો. થોડીવાર સુધી ઠંડુ થવા દો.

મિશ્રણ ઠંડું પડે પછી તેમાંથી બુંદીના લાડુ વાળી લો. તો તૈયાર છે બુંદીના લાડુ.