اولا نقوم بعجنة نحط الدقيق مع الفرينةوالملح ونلم بلماء نحطها ترتاح من بعد نعجنها مليح ونسقيها بشوية حتي نتحصل علي عجينة طرية منبعد نلوزها ونخليها ترتاح من بعد نحلها ونطويها علي ربعة ونحطها في طاجين ونخليها تحمار شوية من بعد نفتتها بيدنا ونخلها من جهة خلاف نجيب قدرة نحط لبصل وطماطم وحمص ولحم او دجاج وتوابل وملح وفلفل اسود وزيت وشوية زبدة او سمن

نحط يتقلو ومنبعد نمرق ونخلها كي يطيب دجاج نحيه. ونمرق ونحط الجزر والقرعة والطماطم المصبرة ونخليهم يغليو ونحط الشواط تاعنا يفور كي تلبي شوية مرقة تاعنا

نحط الفلفل حار ونخلوه شوية يغلي

نطفي ونحط شواط في السحن ونسقي بشوية نحط الخضري تاعنا من فوق مع الحمص واللحم او دجاج وبصحتكم