أولا نحط برمة فيها الماء ونحطو يغلي نجيب التليتلي نتاعي ونحطو فوق البرمة فالكسكاس ونحطلو شوية زيت ونخلطو مليح ومن بعد نحطو يتفور مرة واحدة فقط ومن بعد نحطو في الماء يغلي شوية مدة خمس دقائق من بعد نصفيه ونشلو بالماء البارد ونحطو على جنب

نروحو لصوص عندي حبة بصل حبيبات ثوم فلفل حار وحبة طماطم نرحيهم مليح ومن بعد نحطهم فالكوكوط ونضيفلهم دجاج مع التوابل فلفل أسود ملح كمون زنجبيل ومغرف هريسة ومغرف طماطم مصبرة وحمص وشوية زيت ونحطهم يتقلاو وكي يتقلاولي مليح نمرقهم بالماء ونربط الكوكوط ونخليهم يطيبو

كي يطوبو وتخثار المرقة ندير شوية زبدة فالتليتلي نتعي مغرف كبيرة هكاك ونصب فوقها المرقة لي لازم تكون بزاف خاثرة ونخليها طيب غير شوية نطفي عليها ونقدمها بهاء الشكل شهية طيبة