कढई गरम झाल्यावर प्रथम तिळ चांगले भाजुन प्लेटमध्ये काढुन ठेवा नंतर शेंगदाणे भाजुन काढुन ठेवा

नंतर कढईत खोबऱ्याचा किस थोडा भाजुन काढुन ठेवा त्याच कढईत १ टेबलस्पुन साजुक तुप टाकुन त्यावर बेसन भाजुन काढुन ठेवा

सर्व भाजलेले साहित्य थंड करा व बेसन सोडुन इतर साहित्य मिक्सर मधुन पावडर करून घ्या नंतर त्यात भाजलेले बेसन मिक्स करून फिरवुन घ्या (मी भाजलेल्या शेंगदाण्याची साले कधीही काढत नाही आमचे शेतातल्याच भुईमुगाच्या शेंगा असतात दाणे घरीच काढुन ठेवते)

कढईत थोडे तुप टाकुन किसलेला गुळ टाकुन ढवळत गुळ विरघळुन घ्या व त्यात वरील तयार सारण मिक्स करा व वेलची पावडर ही मिक्स करा

तयार सारण ४-५ तास (किंवा १ दिवस अगोदर करून थंड करून ठेवा) थंड सारणाच्या घट्ट गाठी तयार होतात त्या परत मिक्सर मधुन फिरवुन घ्या

गव्हाचे पिठ मैदा व गरमतेल मोहन व मीठ टाकुन पिठाचा गोळा मळून १५-२० मिनिटे झाकुन ठेवा तयार केलेले सारणही हाताजवळ ठेवा

पिठाचा लिंबा ऐवढा गोळा घेऊन लाटा त्यात सारण भरून बंद करून तांदळाच्या पिठावर तिळपोळी लाटा

गरम तव्या वर सर्व बाजुने तुप लावत पोळ्या खरपुस भाजा

डिशमध्ये गरमागरम तिळाच्या पोळ्या भरपुर साजुक तुप टाकुन व छोट्या बाऊलमध्ये तुप देऊन तिळ गुळपोळ्या सर्व्ह करा