في كسرونة نضع الماء والزيت ورشة الملح والفانيلا ونحطهم فوق النار يغلو من بعد كي يغلي الخليط نضيف الفرينة ونبدا نحرك حتى تتلم العجينة وتصبح متماسكة جدا في هذه الاثناء ننزعها من فوق النار ونخليها تبرد

كي تبرد العجينة نبدا نضيف البيض بالتدريج ونخلط بالباتور حتى نتحصل على القوام المطلوب

ومن بعد نضع الخليط في كيس حلواني ونبدا نشكل الحربوش فوق بلا نضع فيه ورق الطهي وندخله للفرن منفتحش عليهم حتى يطيبو مليح

فالوقت لي راهم يطيبو فيه نحضر الكريمة نجيب كسرونة ونحط كل المقادير بارد في بارد ونحطهم فوق النار حتى يعقد الخليط من بعد نضيفلهم لفاني والزبدة ونغطيها بساشي ونخليها تبرد

وفالاخير نبدا نعمر لاكلير تاوعنا من بعد نحطلهم الشكولا من فوق ونزينهم بلوز افيلي وشهية طيبة حبيباتي