درت اربع حبات بطاطا متوسطة غسلتها وغليتها بقشورها كي طابت تمعصيها بالفرشيطة ومن جهة كنت غليت وحد نصف ربطة سلق غير الاوراق قطعتهم وغليتهم أمبعد قطرتهم مليح من الما وزدت نشفتهم في مقلاة وزدت عليهم سنينة ثوم وشوية زيت

قليتهم أمبعد زدتهم مع ذيك البطاطا وديري شوية معدنوس مقطع رقيق ملح فلفل اسود (أووتحبي تزيدي بصلة مقطعة رقيق ومذبلتها في مقلاة) امبعد اخدميهم وكوريهم كريات واحشيهم بالفرماج ورمديهم في فرينة ثم في البيض ثم خبز يابس وحطيهم وحد ساعة في المجمدباش تقليهم في الزيت