نبدا اولا بتحضير صلصة الطماطم في كسرونة نحط طماطم نقصها ونحط عليها توابل وفلفل اسود ملح وم ك زين ونحطها على النار حتى تبدا الطماطم تطلق الماء تاعها وتطيب نضيف سنات ثوم ونكمللها تطايب بعد ذلك نخليها تبرد ونرحيها ونتركها على جنب

بعد ذلك نحضر العجينة تاعي نحط في قصعة الفرينة تاعي نضيف م ك السكر و الخميرة الفورية والملح على جنب وم اللحظة ونعمل حفرة فالوسط نفرغ فيها مقدار الزيت ونبسس العجينة جيدا من بعد نلمها بماء دافي حتى نتخصل على عجينة متماسكة نوعا ما نغطيها ونخليها تخمر

بعد ماغطيت الخميرة وخليتها تختمر حوالي ساعة نجيبها ونحي الساشي عليها ونرش طاولة بالفرينة وندكعها قليلا ثم نقسمها الى 2كرات

بعد ذلك نبدا نحل الكرات بالحلال ونجيب سينية فرن ندهنها بالزيت ونحط فيها العجينة تاعي ونحلها على قد السينية ثم نجيب الصلصة نحطها فوق العجينة ونحط عليها المعدنوس المقطع والفلفل اخضر نقطعو شرائح والزيتون الاخضر

الخطوة الاخيرة ندخلها الفرن تطيب من تحت ثم نشعل عليها من فوق ونخرجها ونقطعها الي مثلثات وبالصحة والعافية