સૌપ્રથમ મેગીના નાના નાના ટુકડા કરી દો.

હવે એક તપેલીમાં પાણી ગરમ કરો તેમાં મેગી નાખી દો.હવે તેમાં મેગી મસાલો નાખી દો.અને મેગી તૈયાર કરી દો.

એક પેનમાં તેલ મૂકો તેમાં આદુ-મરચા-લસણની પેસ્ટ નાખો તે સંતળાય એટલે તેમાં બાફેલા મકાઈ,વટાણા,ગાજર અને કેપ્સીકમ નાખીને તેમાં મેગી મેજિક મસાલો નાખો.અને જરૂર મુજબ મીઠું નાખીને હલાવી દો.

હવે તેમાં મેગી નાખી દો.અને મિક્સ કરી દો.હવે તેમાં ચીઝ ખમણી ને નાખો.હવે તેમાં ધાણા નાખીને મિક્સ કરી દો.

તેને ઠંડુ થવા દો.હવે એક તપેલીમાં ચણાનો લોટ લો તેમાં મેંદો નાખી દો.તેમાં મીઠું અને 1/2ચમચી બેકિંગ પાઉડર નાખો.

હવે તેમાં જરૂર મુજબ પાણી નાખીને બેટર બનાવો.હવે તેમાં મેગી ને મિક્સ કરી દો.

હવે એક વઘાર કરવાનું પેન લો. તેને તેલથી ગ્રીસ કરી દો હવે તેમાં ચણાના લોટનું મેગીનું બેટર ૧ ચમચો ઉમેરો.

હવે તેની ઉપર ચીઝ ના ટુકડા કરીને ગોઠવી દો.હવે તેની ઉપર 1ચમચો બેટર નાખો.

હવે તેની ઉપર થોડું તેલ લગાડીને ઢાંકણ ઢાંકી દો.હવે ધીમા તાપે પાંચ મિનિટ થવા દો.હવે તેને પલટાવીને બેથીત્રણ મિનિટ થવા દો.

હવે તેને પ્લેટમાં કાઢી લો.હવે તેને સોસ સાથે સર્વ કરો