प्रथम मशरूम स्वच्छ धुऊन ते कट करून घ्यावेत. एका वाटी मध्ये मैदा व कॉर्न फ्लावर घेऊन त्यामध्ये चवीपुरते मीठ, लाल तिखट पावडर व काळीमिरी पावडर घालावे.आता पाणी घालून याची आपण पेस्ट करून घेणार आहोत ही पेज जास्त जाड किंवा जास्त पातळ असू नये.

तोपर्यंत एका कढईमध्ये तेल घालून ते गरम करण्यासाठी ठेवावे व कॉर्नफ्लॉवर व मैद्याच्या पेस्टमध्ये आपण कट केलेले मशरूम त्यामध्ये घालावे. तेल व्यवस्थित गरम झाल्यावर हे मशरूम तेलामध्ये घालून तळून घ्यायचे आहेत

अशाप्रकारे सर्व मशरूम तळून घ्यावेत ते गार होईपर्यंत आपण कांदा व कॅप्सिकम,आलं,लसूण,हिरवी मिरची हे सर्व कट करून घ्यावेत. एका वाटीमध्ये दोन टीस्पून कॉर्नफ्लोअर घेऊन त्यामध्ये पाणी घालून कॉर्नफ्लॉवर ची पेस्ट करून घ्यावी.

आता एका कढई मध्ये तेल घालावे तेल गरम झाल्यावर आले लसूण व हिरवी मिरची घालून हाय फ्लेमवर फ्राय करावे. त्यानंतर कट केलेला कांदा व कॅप्सिकम घालून दोन मिनिटे काय करावे यामध्ये मी ग्रीन व रेड यलो कॅप्सिकम वापरले आहेत.

त्यानंतर आता त्यामध्ये टोमॅटो सॉस, रेड चिली सॉस, सोया सॉस, व्हिनेगर,साखर व मीठ घालून दोन मिनिटे फ्राय करून घ्यावे. मग नंतर त्यामध्ये आपण तयार केलेली कॉर्नफ्लॉवरची पेस्ट घालावी. हे मिश्रण व्यवस्थित एकजीव झाल्यावर आता त्यामध्ये आपण तळून ठेवलेले मशरूम ऍड करावेत

ही झाली मशरूम चिली तयार ही मशरूम चिली गरमागरम सर्व्ह करावी ही गरमच खूप छान लागते.