نبدا اولا بتحضير العجين في صحن نحط الحليب والماء ونضيف عليهم الزيت والسكر والخميرة ونخلط مليح ثم نبدا باضافة الفرينة حتى نتخصل على عجينة طرية نوعا ما نغطيها ونخليها تختمر

بعد ما اختمرت العجينة نلمها قليلا ونحطها على طاولة العمل نقسمها على اثنين ونشكلها كرات صغار اذا حبيت نعملها ميني هومبرغر

ابعد ذلك نجيب سينية تدخل الفرن نحط عليها ورق الزبدة ونحطها حبات الهومبرغر وندهنهم بصفار البيض ونخليهم يختمرو مرة اخرى وندخلهم لفرن مسخن مسبقا حتى يطيبو من تحت ثم نشعللهم من فوق يتحمرو بعد ذلك نخرجهم ونخليهم يبردو ونجيب سكين حاد ونقص من النصف

الخطوة التالية نحضر حشو الميني هومبرغر نجيب حبات بطاطا ونقطعها ونقليها فالزيت ونقطع السلطة والطماطم ونحضر الجبن ونحشي حبات الميني هومبرغر