أول حاجة هنغسل الكبد والقوانص كويس، ونحاول ننضفهم كويس من أي دهون عليهم، ونقطعهم قطع صغيرة.

هناخد قطع الكبد والقوانص فـ المقلاية على نقطة زيت، ونقلبهم لحد ما يخرجوا الدم اللى فيهم ولونهم يتغير، بعد كدا نغسلهم كويس ونسيبهم على جنب.

نقطع الطماطم والفلفلة والبصل شرايح صغيرة، بالكمية اللى تحبوها، وبعدين نتبلهم بملح وفلفل أسود وكمون وكثبرة وبهارات لحمة، ونحط عليهم نقطة زيت ونقلبهم كلهم فـ بعض كويس.

فى حلة أو مقلاية واسعة هنحط نص كمية الخليط، وبعدين ننزل بالكبد والقوانص، وبعد كدا نص الخليط التانى.

هنضيف كوباية مية ونسيبهم يستوا كلهم ع النار، ونتابعها بمية كل شوية لحد ما القوانص تستوى، وبالهنا والشفا.