الاول نعصج اللحمة ف حلة بها سمن وزيت سخن نشوح اللحمة تقليبة ثم نضع عليها البصل ويقلب لحد ما يدبل ثم نضيف الفلفل الاخضر وبشر الجزر وكله يقلب ثم نضيف التوابل السابقه كلها وتترك لتمام السوا ثم ترفع من ع النار وتترك جانبا

تجهيز البشاميل ف حله بها زبدة نحمر بها الدقيق ثم ننزل بالبن مع التقليب المستمر ثم نضيف لها الكريمة ونقلب ونضع بها الملح والفلفل الاسود ومكعب مرق لحد ما نحصل ع القوام المناسب ويكون جوسى مش تقيل اوى وترفع من ع النار

نسلق المكرونة وتكون بتقتم تحت السنان مش معجنة

ف طبق غويط نضع به المكرونة المسلوق ونضع عليها جزء من البشاميل حتى تكون مشبعة بالبشاميل

ندهن صنية بالسمن ونضع بها شوية من البشاميل وعليها طبقة من المكرونة ثم نضع فوقها العصاج ثم الطبقة الأخرى من المكرونة وع الوش نضع طبقة كبيرة من البشاميل ثم نضع عليها بيض مربوب بالملح والفلفل الاسود ثم ميكس من الموتزريلا والشيدر والرومى تدخل الفرن ع درجة ٢٢٠ لمدة نص ساعة ثم تنزل لدرجة ١٨٠

ملحوظة:ف حالة عدم وجود كريمة لبانى ممكن اضع ع البشاميل ٤ قطع من الجبن المثلثات بتكون كريمية وجميلة اوى