رولات الباذنجان بكفتة الفراخ وصوص الطماطم والجبنة
إفتح في تطبيق كوكبادالخطوات
- 1
نغسل الباذنجان من برا وتخليه بقشره ونقطعه شرائح طولية رفيعة حوالى نص سنتى
- 2
نحضر صاج أو صينية ونفرش فيها ورق زبدة وندهن عليه زيت ونرص الباذنجان فيها جنب بعض وندهنه زيت بالفرشاة
- 3
ثم ندخله فرن ساخن متوسط الحرارة حوالى ربع ساعة حتى يصفر لونه قليلا مايحمرش بس عشان يذبل ونعرف نلفه
- 4
بعد كدا نطلعها من الفرن ونتركه يبرد
- 5
تحضير الكفتة نخلط كل مكونات الكفتة على بعض ونعجن فيها شوية وبعدين نتركها ترتاح ربع ساعة
- 6
نحضر صينية فرن مدهونة زيت عشان نرص فيها رولات الباذنجان
- 7
نأخذ شريحة باذنجان نفردها وناخد قطعه من الكفتة نشكلها صوباع ونضعها على شريحة الباذنجان ونلف رول
- 8
ونرص فى الصينية ونكمل باقى الكمية حتى نخلص الصينية
- 9
ثم نخلط كل مكونات صوص الطماطم ونوزعها على وجه رولات الباذنجان
- 10
وندخلها فرن ساخن متوسط الحرارة حوالى تلت لنص ساعة
- 11
ماتخليش الباذنجان يجف الصوص بتاعه
- 12
بعد كدا نخرجه ونوزع على وجهه خليط الجبن وندخله الفرن تانى خمس دقائق حتى تسيح الجبنة
- 13
ثم يقدم بألف هنا مع أرز محمر حبة وحبة
- 14
إيه رأيكم كان لذيذ وخفيف وتغيير عن شكل الباذنجان التقليدى
- 15
يا رب تكون الوصفة نالت إعجابكم تحياتى لكم
Batota Shawky
الكوكسناب
وصفات مشابهة
وصفات ننصحك بمشاهدتها
التعليقات (2)