प्रथम बिर्याणीची पूर्वतयारी करून घेऊयात. पनीर कट करून घेणे. कांदा व कॅप्सिकम मी फोटो दाखवल्याप्रमाणे कट करून घेणे. एका बाउल मध्ये एक वाटी दही घेऊन त्यामध्ये लाल तिखट पावडर, बिर्याणी मसाला,हळद,आलं-लसणाची पेस्ट व मीठ घालून एकत्र करावे.

कोथिंबीर व पुदिन्याची पाने बारीक कट करून घ्यावीत. आता याच्या मिश्रणामध्ये आपण कट केलेले कांदा कॅप्सिकम व पनीर ॲड करावे मग त्यामध्ये पुदिन्याची पाने व कोथिंबीर घालावी. आता हे सर्व मिश्रण व्यवस्थित एकत्र करून साधारण एक तासासाठी मॅरीनेशन साठी ठेवावे.

बिर्याणी साठी भात तयार करून घेऊयात. बासमती तांदूळ स्वच्छ धुऊन घ्यावे. हा भात मी राईस कुकर मध्ये करून घेणार आहे तुम्ही वर भांड्यामध्ये हा भात बनवू शकता. बिर्याणी साठी आपल्याला 70 टक्के भात शिजून घ्यायचा आहे. भात बनवताना मी त्यामध्ये मीठ व तेजपत्ता वापरून भात तयार करून घेतलेला आहे

त्यानंतर आता आपण पुढची तयारी करूयात. तीन ते चार कांदे उभे चिरून ते तळून घ्यावेत. बेबी साठी कांदा व टोमॅटो कट करुन घ्यावेत. दोन टेबलस्पून दूध घेऊन त्यामध्ये केशर घालून ठेवावे.

आपलं पनीरचे मिश्रण एक तास मॅरिनेट झालेला आहे आता आपण पुढच्या कृतीकडे बोलूया एका बिर्याणी पोट मध्ये तेल घालावे मग त्यामध्ये आता आपण सर्व खडे मसाले करणार आहोत त्यामध्ये तेजपत्ता, मोठी वेलची, छोटी वेलची, काळी मिरी,लवंग,दालचिनी, सर्व ॲड करावे. सर्व खडे मसाले तेल थोडे कोमट असतानाच घालावे म्हणजे ते जळत नाही व त्याचा छान फ्लेवर येतो. मग त्यामध्ये बारीक चिरलेला कांदा घालावा व तो छान लालसर झाल्यावर त्यामध्ये टोमॅटो ॲड करावेत ५मिनिटे फ्राय करून घ्यावेत.

मग त्यामध्ये आपण मॅरीनेट केलेले पनीर त्यामध्ये ॲड करावे. हे मिश्रण तेल सुटेपर्यंत परतून घ्यावे. आता यावर आपण बनवलेला राईस त्याची लेयर द्यावी.

यावर बारीक चिरलेली कोथिंबीर व बारीक चिरलेला पुदिना स्प्रेड करावा. मग त्यावर आपण तळलेला कांदा पसरवून घ्यावा. आपण बनवून ठेवलेले केशर दूध त्यामध्ये ऍड करावे.

आता त्यावर झाकण लावून ही बिर्याणी २० मिनिटे मिडीयम फ्लेम वर साधारण वीस मिनिटे दम करावी. हवे असल्यास तुम्ही त्यामध्ये थोडेसे तूप ऍड करू शकता. बिर्याणी मी कांदा व टोमॅटोच्या रायत्याबरोबर सर्व्ह करते.