चिकन मॅरीनेट करून घ्यावे, त्यात दही, मीठ, मिरची पावडर, धणे पूड, जीरे पूड, अद्रक लसूण पेस्ट, पुदिना, बरिस्ता, तूप आणि लिंबू घालून मिक्स करावे। आता कमीतकमी एक तास बाजूला ठेवावे।

पुढे गरम पाणी करून घ्यावे, पाणी उकळल्यावर त्यात खडे मसाले, मीठ आणि अर्धा लिंबाचा रस घालावा। त्यात तांदूळ घालून मिक्स करावे 70-80% शिजल्यावर काढून घ्यावे।

आता एका भांड्यात तेल घालून त्यात चक्री फुल, जावित्री, विलायची, लवंग, मिरे आणि दालचिनी घालावी। आणि त्यावर कांदा टाकून मिक्स करून घ्यावे। पुढे त्यावर थोड्या लसूण कळ्या आणि बारीक अद्रक टाकून मिक्स करावे आणि पुढे हिरवी मिरची आणि टोमॅटो घालावे। आता थोडे मीठ घालून झाकून ठेवावे।

आता त्यात ड्राय फ्रुट आणि बिर्यानी मसाला घालावा आणि मिक्स करून घ्यावे। आता त्यावर थोडे पाणी घालून चांगले मिक्स करून घ्यावे। आता पुढे त्यावर चिकन टाकावे।

आता चिकन आणि तांदूळ लेयरिंग करावे। मोठ्या भांड्यात तूप लावून घ्यावे, त्यात चिकन टाकावे, मग त्यावर तांदूळ, असे एक एक करून 2-3 लेअर टाकावे, मधे मधे बरिस्ता, पुदिना, गरम मसाला आणि केसर दूध घालावे।

आता त्यावर झाकण ठेवून कणकेने अथवा अल्युमिनियम फॉईल वापरून बंद करावे, आणि 8 मिन मध्यम आचेवर आणि 15 मिनिटे मंद आचेवर ठेवावे। आता आपली बिर्याणी तयार । पुढे स्मोकी फ्लेवर साठी एका वाटीत कोळसा घेऊन त्यावर तूप घालून 3 मिनिटे बंद करून ठेवावे।

आता आपली निझामी हंडी बिर्याणी तयार । खूप स्वादिष्ट बनेल। सोबत रायता घेऊन सर्व्ह करावे।