સૌ પ્રથમ બધી જ સામગ્રી તૈયાર કરી લો. હવે એક પેનમાં વઘાર માટે તેલ ગરમ કરવા મૂકો. તેલ ગરમ થાય એટલે તેમાં રાઈ, જીરું, હિંગ, લાલ સુકુ મરચું, લીંબડો અને લસણની ચટણી નાખી વઘાર કરો.

ત્યારબાદ તેમાં સમારેલી ડુંગળી નાખી બે સેકન્ડ સુધી સાંતળો. ત્યારબાદ તેમાં લીલાં વટાણા, ટમેટા અને કેપ્સિકમ નાખી મિક્સ કરી લો. હવે તેમાં બધા મસાલા, ખાંડ અને મીઠું નાખી મિક્સ કરી બે મિનિટ માટે ચઢવા દો.

ત્યારબાદ તેમાં પાઉં નાં કટકા, લીંબુ નો રસ અને તળેલા સીંગદાણા નાખી બરાબર મિક્સ કરી લો.હવે તેને સવીૅગ પ્લેટ માં લઇ તેમાં ઝીણી સેવ અને કોથમરી છાંટી ગરમા ગરમ સર્વ કરો. તો તૈયાર છે સ્વાદિષ્ટ અને મસાલેદાર મસાલા પાઉં.