نضع في بول البيض والسكر ونخلط جيداً بالفوي أو الباتور حسب الرغبة أو المتوفر

ثم نضيف الزيت ونخلط ثم نضيف الحليب ونخلط من جديد

بعد انسجام المكونات نضيفو الفرينة المغربلة والخميرة ونخلط جيداً ثم نضيف الكاكاو

ملاحظة: يمكن إضافة الفاني قبل الفرينة

كي نخلطو كل شيء،نصبو الخليط في الصينية،بعدما نكونو شعلنا الفرن قبل ما نبداو نخلطو المكونات (180درجة)

ملاحظة: إذا كانت الصينية تلصق ممكن تدهنوها بالزبدة وترشوها بالفرينة

في هذه الأثناء نحضرو الصلصة : نحطو في إناء ولا في الطاص تاع البرا السكر والحليب والكاكاو نخلطو بالبرا (ملاحظة:اللي معندهاش برا تستبدلو بالباتور بصح متجيهاش ثقيلة كيما اي مثل بالبرا والكيكة تشرب شوي من الصلصة بصح تجي نتيجة هايلة

إذا استعملنا البرانحطو السكر والحليب والكاكاو ونخلطو كي ينساجمو نزيدو الزيت بالتدريج مباعد نبقاو نخلطو حتى يتبدل القوام

واذا استخدمتو الباتور حطو كل شي وخلطو حتى يتبدل القوام

ملاحظة هامة جداً ⭕ إذا حطيتو المكونات متخلطوهمش بالمغرفة ولاحاجة أخرى خلطوهم طول بالبرا ولا الباتور خطراكش كي تخلطوهم مستحيل تثقال

إذا كانت العايلة تاعك متحبش الحلاوة بزاف تقدري تقديري الكيل فنجان مش كاس مع ملعقة كبيرة مملوءة كاكاو

ملاحظات باش متهبطش الكيكة: في العشر دقائق الأولى متفتحوش الفرن وماتثقبوهاش بزاف وخليوها في الفرن 3دقائق والباب مفتوح (هاذي المعلومة جبتها من عند صديقة كوكبادية بارك الله فيها)

كي نشوفو الكيكة نشفت دخلو الموس باش تتأكدو بلي وجدت ومباعد خرجوها