એક મોટા બાઉલમાં બન્ને દાળને પાણીથી ધોઈ બીજું સારું પાણી લઈ,દાળ ડૂબે તેટલું પાણી રેડી ચાર કલાક દાળને પલાળો. દાળ માંથી પાણી કાઢી મિક્સર જારમાં થોડું થોડુ કરીને પીસી લેવું. આદુ મરચા પીસી લેવા.ત્યારબાદ ખીરું મોટા બાઉલમાં લઈ,આદુ,મરચા,મીઠું નાખી ખૂબ જ હલાવો. જેથી ખીરુ હોય તેના કરતા ડબલ થઈ જાય. ખીરું હલકુ થાય છે. 2 કલાક રેસ્ટ આપવો.

હવે એક કઢાઈમાં તેલ ગરમ મૂકી, તેલ ગરમ થાય એટલે તેમાં પાણીવાળો હાથ કરી, ગોટા મૂકતા હોય તેમ ગોળ sep માં મુકો.ગોલ્ડન બ્રાઉન થાય પછી તેને તેલમાંથી એક ડિશમાં કાઢી લો.ઉપયોગ મા લેતા ના 30 મિનિટ પેલા એક મોટા વાસણમાં પાણી લઈ આ વડાને એડ કરો. 30 મિનિટ તેને પલાળી તે ફુલીને ડબલ થઈ જાય એટલે તેને પાણીમાંથી કાઢી એક પછી એક હાથની હથેળીથી હળવે થી દબાવીને પાણી કાઢી લેવું.વડા તૂટી ના જાય તેનું ધ્યાન રાખવું. દહીંને વલોવી તેમાં મીઠું નાખો.તમને સ્વાદ મા ભાવે તો થોડી ખાંડ ઍડ કરી શકાય.

હવે એક સર્વિંગ બાઉલમાં વડા મૂકી તેમાં દહીં, ગળી ચટણી, લીલી ચટણી, લાલ મરચું પાઉડર,શેકેલું જીરું, ગરમ મસાલો ભભરાવો.પછી તેમાં બી અને દાડમના દાણા નાખી સર્વ કરો.કોથમીર અને સેવ થિ ગાર્નિશ કરો. હવે તૈયાર છે બધા ને ભાવે તેવા સોફ્ટ દહીં વડા.જે સાતમ ના દિવસે ઠંડા જમવામા લઈ શકાય છે.બધા ને ખુબ જ ભાવે છે.